«Liabi Carmen
Miar möchtend üs vu Herza bi diar für dini Begleitig, für dini fürsorglich und professionelli Art bedanka. Du hesch üs in dera schwera Ziit vum Abschied neh unheimli guat tua und gholfa. Dini sehr agnehm Art Menscha mit tüüfer Truur, Hilflosigkeit und Leeri uf ds fanga, ds unterstütza und ds begleita, isch a wundervolli Gab, wo miar sehr bewunderend. As isch für üs sehr wertvoll gsi, ima so na Moment öpert wia du bisch, um üs ds ha, danka viel mol. Miar sind uhhh froh, hämmer di dörfa kennalerna. Du häsch dia Abschiedsfiir mit so viel Ruha, Ifühligsvermöga und grossem Respekt gleitet. Miar händ sehr viel positivi Rückmeldiga vu verschiedenschta Lüt kriagt, wo an dr Abschiedsfiir dabi gsi sind. Das het üs gfreut.»